عايزة تفسير حلمى دا للاهمية ارجوكم

السلام عليكم ورحمة الله وبركاته
من فضلكوا عايزة حد يفسرلى حلم غريب شوية حلمته بعد صلاة استخارة
متقدملى شخص للزواج واستخرت ربى فيه مع العلم انى انسه ولم يسبق لى الزواج وسنى 23 س
حلمت بعد صلاة الاستخارة انى فمكان صحراوى وفيه حوالى 5 كلاب شكلهم غريب جدا ومرعب يعوى على 5 ذئاب اعتقد او كلاب زيهم واقفين على هضبة صغيرة وفضلوا ال 5 كلاب الاوليين يعووا على ال5 اللى فوق الهضبة لحد ما مشيوا
انا ببص حواليا لقيت الارض كلها مليانه هياكل عظمية شكلها شكل الكلاب المرعبه اللى بتعوى بس هياكل عظمية
وببص الناحية التانيه لقيت فرو تعالب مسلوخ ومتكوم فوق بعضه...فقولت فبالى فالحلم يبقى اكيد الهياكل العظمية اللى فالارض دى لتعالب حد سلخها عشان ياخد الفرو بتاعها...وشوية لقيت كل الفرو دب فيه الروح وكان واقف جنب الفرو بنت صغيرة حلوة...بعد ما الروح دبت تانى فالفرو المسلوخ راحوا هاجمين عالبنت الصغيرة ووقعوها واتجرحت...وفاكرة كمان ان كان فيه بنت بيبى فالحلم دا معايا وكانت زى القمر بس مش فاكرة هى مين او اى تفاصيل فالحلم اكتر من كدة
ارجوا التفسير للاهمية اذا كان للحلم معنى او تفسير ولكم جزيل الشكر