الحريم وانتو بكرامه!!

ه الموضوع عجبني مرهـ وبنفس الوقت عصبت يوم قريته


ونقلته لكم بلسان صاحب القصه


ابي ارائكم فيه



:
:



بصراحة الموضوع يتطرق لشيئ سيئ للأسف وهو موجود عند البعض منا وربما أكثرنا للأسف الشديد ...
هذا الموضوع هو ذكر المرأة (( الحرمه )) وإن كثير من الأشخاص يحاول تلافي ذكر سيرة المرأة !! فمثلآ لو كان واحد منا عنده مشوار مثلآ لتوصيل أهله إلى مكان ما ( أقارب ,, سوق ,, ... الخ )) تلقاه ما يجيب سيرة أهله ويقول (( عندي شغل )) <<< عليك أمثله بعد



الــقــصــة :


كنت جاي مره من القـصيم للرياض ويوم أقبلت على الرياض بـ 70 كيلو تقريبآ .. شفت واحد على طرف الخط قاعد يأشر للسيارات علشان يساعدونه <<< أجل علشان يصورون معه

المهم أنا بصراحة ما كان عندي نيه أوقف عنده علشان ما آخذه معي وأطيح في ورطه (( منيب ناقص سين و جيم ))

ولكن شفت معاه حرمتين جالسات ورا السيارة ورحمتهن بصراحه لأن الجو حر (( العصر ))

مالكم بالطويلة .. وقفت عنده

- السلام عليكم
هـو عليكم السلام
- آمر يا عم وش بغيت ؟

هـو والله يا ولدي تعطلت السيارة ولا ندري وش علتها !!
- والمطلوب ؟ <<< يلعن ابو الإسلوب
هــوالمطلوب يا ولدي إنك توصلنا على طريقك للرياض لأن عندنا موعد بكره بالمستشفى , وسيارتنا نجيها بوقت(ن) ثاني ونشوف لها دبره
-تامر أمر يا عم

هــو لكن يا ولدي (( ويلتفت للحريم اللي معه )) قال : ( لكن معي حريم وأنت بكرامة !! ))
- نعم ؟
هـــو معي حريم وأنت بكرامة !!


- وأنا بكرامة ؟ ليش هالحريم اللي معك نجسات ؟ وبعدين أنا ما أركب نجاسة بسيارتي . << الضغط مليونين

هــو لا والله يا ولدي .. بس تعرف هالشي تعودنا و تربينا عليه
- والله يا عمي إذا أنت متربي على كذا .. حنا ما تربينا عليه .. وأنا آسف إني أقول لك ما راح أوصلكم وخلك أنت وإياهن سوا
- سلااااام .. ومشيت من عنده !!

(( لو الود ودي أخذت الحريم وخليته لحاله نكايةً به <<< يا عيييييني عليك

( ذهبت من عنده وأنا اُكيل له أنواع الشتائم وألعنه في سري ) <<< قلبها روايه



أللي ودي أعرفه :

** ماهو السبب اللي يخلينا متخلفين للدرجه هاذي ؟
(( ليه ؟ الحرمه مهيب أم ؟ واخت ؟ وزجة ؟ ووووو .. الخ )



** هل ما زال هُناك الكثير من الناس ينظرون إلى المرأة هذه النظره الناقصه والقاصره ؟
(( أنا أعتبر صاحب هذه النظره شخص مسكين ))



:

هاه وش رايكم .. مو يرفع الضغط

:

شاركوني بآرائكم


للامانه منقووووووول والله بس عجبني