وين راح العيب

وين راحت كلمة عيب

امس كنا نقول عيب واليوم اصبح عادي

البارح كان حرام والحين صار حلال

تغيرت العقول وللأسف تغيرت للأسوء

والي خرب عقولنا هي كلمه وحده وهي

(الموضه أو التقليد الاعمى )

بالأمس الجار كان يزور جاره.. والحين صار الجار مايعرف إلا اسم جاره

كانت الأسواق هادئه و تجي الوحده مع بناتها تشتري اغراضها وتمشي٠٠٠الحين

صارت

الاسواق ساحه للمغازل والمفاتن والبلوتوث والرسائل الغراميه حتى الهنود صارو

يبحثون

عن البلوتوث

في مامضى كان السواق مايتحرك بالبنات إلا مع محرم وغرفته معزوله عن البيت

بشارعين

واليوم صار من أهل البيت

والأب نايم والأم موزعه وقتها بين نوم ومقابله تلفزيون وتليفون

أول كان الجوال بيد رجال وإن لزم الأمر بيد متزوجه

والحين صار هديه نجاح تلقى الطفل بثالث ابتدائي يأخذون له جوال وهم عارفين مارح

يستخدمه وإذا سألتم قالو ولد فلان مو أحسن منه عنده جوال .

أول تسمع الرجل يصحي عيالة لصلاة الفجر وصياحة واصل اخر الحارة ألحين ليت

أبو العيال يروح لصلاة الفجر

امس كان عيب أن الولد يخلي أبوة يروح العزيمة لحالة الحين صار عادي يروح لحالة

الأب وصار عادي عند الولد لو يدرون اهلة وجيرانة إنة يعاكس ويشوفها من الرجولة

زمان كان الولد أو الأب هو اللي يودي عيالة للسوق او لغيرة واللحين يقول الولد لأمة

وخواتة رحو أركبو تكس او لموزين وين راح العيب والغيرة

زمان كانو الرجال شنبات مفتلة ما تقول إلا أسد واقف قدامك والحين تلقى الشباب

حالقين الشنب حبة حبة لين يصيرون هم والطرف الثاني حقوقهم وحدة ومشتركة في

كل شي حتى حاجاتهم الخاصة

الشنب اللي كان

عيب إنك تشيلة زمان ويقول ما هو بشاربي ياعيبااااااة

حنا صرنا في زمان تغيرت فية أشياء كثيرة

حتى الشهامة صارت غشامة


وكل يوم موضة جديدة وتقليد جديد الله العالم ويش بيتغير في الزمان الجاي


بس تبون الصراحة

يازين الشيبان للحين محافظين على مابقى من ذاك الزمان

الكثير منا يردد قول(الزمن تغير)

كل من شاف له شوفه او أختلف عليه شئ قال الزمن تغير

والمشكله أن بعض التغيرات لايرضاها دين ولاعقل ولا عرف

لا أدري من الذي تغير هل هو الشخص أم الزمان؟

وجهه نظر البعض بأن الزمن تغير

الزمن واحد واحنا الي نتغير

ولا يمكنا نعيب ع الزمن قبل ان نحاسب انفسنا

والله انك صادقة يااميرة
بس الله يرحم حالنا
مشكورة حبيبتي على الموضوع الاكثر من رائع
ويعطيكي الف عافيه
تقبلي مروري